Gürcü sərhəd keşikçiləri Gürcüstan sərhədlərini qanunsuz keçmək cəhdinə görə Azərbaycan vətəndaşı Turan Mirzəyevi saxlayıblar. Gürcüstan sərhəd polisinin Trend-ə verdiyi məlumata görə, o, Gürcüstan - Azərbaycan sərhədinin Vaxtangisi rayonunda sərhədi keçməyə cəhd göstərib.
Sərhəd keşikçilərinin məlumatına əsasən, Mirzəyev qaçmağa cəhd göstərsə də, havaya açılan atəş onu saxlamağa müvəffəq olub.
Faktla bağlı cinayət işi açılıb, araşdırmalar aparılır.