Azərbaycan, Bakı, 1 aprel /Trend, müxbir K.Zərbalıyeva/
Azərbaycan Ordusunun əsgəri dünyasını dəyişib.
Hərbi mənbənin Trend-ə verdiyi məlumata görə, dünən günorta saatlarında Müdafiə Nazirliyinin Naftalandakı N saylı hərbi hissəsində əsgər Məmmədli Kamil Lətif oğlu qəflətən dünyasını dəyişib.
Müdafiə Nazirliyinin mətbuat xidmətinin rəis müavini Teymur Abdullayev Trend-ə açıqlamasında məlumatı təsdiqləyib və bildirib ki, ölümün səbəbləri araşdırılır.
1991-ci il təvəllüdlü Məmmədli Bakının Nərimanov rayon Hərbi Komissarlığından hərbi xidmətə çağırılmışdı.