Azərbaycan, Bakı, 18 iyul /Trend, müxbir K.Zərbalıyeva/
Bakıda qardaşoğlu əmisini qətlə yetirib.
Binəqədi rayon prokurorluğundan Trend-ə verilən məlumata görə, Rəsulzadə qəsəbəsi, Bəhlulzadə küçəsi 1, mənzil 1-də yaşayan 16 yaşlı Elvin Sarıyev mübahisə zəminində əmisi, 1968-ci il təvəllüdlü Rizvan Sarıyevi ürəyindən bıçaqlayıb.
Məlumata görə, hadisə Rizvan Sarıyev sərxoş vəziyyətdə qardaşı Mahir Sarıyevlə mübahisə edərkən baş verib.
Baş vermiş hadisə ilə bağlı rayon prokurorluğunda Cinayət Məcəlləsinin 120-ci (qəsdən adamöldürmə) maddəsi ilə cinayət işi başlanıb.