Azərbaycan, Bakı, 22 iyul /Trend, müxbir K.Zərbalıyeva/
Qəbələdə ağır yol qəzası olub, 7 nəfər xəsarət alıb, 1 nəfər ölüb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Qəbələ şəhərində "BMW" markalı minik avtomobili sürücünün idarəetməsindən çıxaraq aşıb.
Nəticədə, nəqliyyat vasitəsi deformasiyaya uğrayıb,içərisində olan 7 nəfər xəsarət alıb.
Hadisə yerinə cəlb olunmuş xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə avtomobildə sıxılmış vəziyyətdə qalmış vətəndaşları çıxararaq aidiyyəti üzrə təhvil verib, həmçinin, ərazidə müvafiq təhlükəsizlik tədbirləri görüblər.
2011-ci il təvəllüdlü Günel Rafiq qızı Cavadova hadisə yerində həlak olub.