Azərbaycan, Bakı, 12 sentyabr /Trend, müxbir K.Zərbalıyeva/
Azərbaycan Ordusunun əsgəri xəstəlikdən dünyasını dəyişib.
Hərbi mənbədən Trend-ə verilən məlumata görə, Müdafiə Nazirliyinin Yevlax rayonundakı N saylı hərbi hissəsində xidmət edən 1988-ci il təvəllüdlü Pərviz Abbasov hospitalda pnevmoniyadan dünyasını dəyişib.
Abbasov 2010-cu ilin aprelində Sumqayıt şəhər Hərbi Komissarlığından hərbi xidmətə çağırılıb.
Müdafiə Nazirliyinin mətbuat xidmətindən Trend-ə məlumatı təsdiq ediblər.
Respublika Hərbi Prokurorluğundan Trend-ə verilən məlumata görə, əsgərin ölüm faktı ilə əlaqədar Cinayət Məcəlləsinin 342.2-ci (qulluğa səhlənkar yanaşma) maddəsi ilə Qarabağ Hərbi Prokurorluğunda cinayət işi başlanıb və zəruri istintaq tədbirləri aparılır.