Azərbaycan, Bakı, 17 sentyabr /Trend, müxbir K.Zərbalıyeva/
Bakıda iyulda avtomobil qaçıran şəxs saxlanılıb.
Bakı şəhər Baş Polis İdarəsindən Trend-ə verilən məlumata görə, iyulun 4-nə keçən gecə Çaykovski küçəsində yaşayan Rizvan Babayevə məxsus "VAZ-2106" markalı avtomobil qaçırılıb və maşın Ziya Bünyadov prospektində tapılıb.
Nərimanov rayon Polis İdarəsinin 18-ci polis bölməsinin əməkdaşlarının keçirdikləri əməliyyat tədbirləri nəticəsində avtomobili qaçırmaqda şübhəli bilinən Sumqayıt şəhər sakini Nikolay Stepanov sentyabrın 16-da yaxalanıb.
Faktla bağlı cinayət işi başlanıb.