Azərbaycan, Bakı, 8 dekabr /Trend/
Son iki gün ərzində 8 nəfər dəm qazından zəhərlənib.
Daxili İşlər Nazirliyinin mətbuat xidmətindən cümə axşamı Trend-ə bildiriblər ki, dekabrın 7-də Sumqayıt şəhər sakinləri Ziba Ağayeva, Yunis Yusubov, Əfsanə Məmmədəliyeva və qızı Aysu, Gəncə şəhər sakinləri Jalə Nəsibova, Cavad Bağırov dəm qazından zəhərləniblər.
Məlumata görə, dekabrın 8-də Novxanı bağlar yaşayış sahəsindəki evlərdən birində yaşayan Günay Allahverdiyeva, Sumqayıt şəhər sakini Sürəyya Həsənova mənzillərindən dəm qazından zəhərlənmə diaqnozları ilə xəstəxanalara gətiriliblər.