Azərbaycan, Bakı, 9 dekabr / Trend müxbir E.Mehdiyev/
Bakıda cəzaçəkmə müəssisəsində baş verən insident nəticəsində bir nəfər ölüb, bir məhkum isə qaçıb.
Qaradağ rayon Prokurorluğundan cümə günü Trend-ə verilən məlumata görə, hadisə dünən Ədliyyə Nazirliyi Penitensiar Xidmətin Qaradağ rayonunda yerləşən 2 saylı məntəqə tipli Cəzaçəkmə Müəssisəsində baş verib.
Məhbuslar arasında yaranan münaqişə nəticəsində bir nəfər özünü öldürüb.
Daha bir məhkum isə müəssisədən qaçıb.
Qaradağ rayon Prokurorluğundan cümə günü Trend-ə verilən məlumata görə, həbsxanadan qaçan məhbus 1983-ci il təvəllüdlü Faiq Fuad oğlu Fərəcov, ölən şəxs isə 1988-ci il təvəllüdlü Fərid Cavid oğlu Dadaşovdur.