Azərbaycan, Bakı, 6 mart /Trend, müxbir K.Zərbalıyeva/
Bakıda ofislərin birində 51 yaşlı kişi odlu silahla vurulub.
Nəsimi rayon prokurorluğundan çərşənbə axşamı Trend-ə verilən məlumata görə, bu gün günorta saatlarında Ceyhun Hacıbəyli küçəsində yerləşən ofisdə 1961-ci il təvəllüdlü Elşən Həsənov döş qəfəsindən güllə yarası alıb və Kliniki Tibbi Mərkəzə yerləşdirilib.
Mərkəzin qəbul şöbəsindən Trend-ə bildirilib ki, yaralı reanimasiyadadır.
Hadisənin kim tərəfindən törədildiyi araşdırılır.