Azərbaycan, Bakı, 27 mart / Trend müxbir K.Zərbalıyeva/
Xəzərdə batmaq təhlükəsi ilə üzləşən balıqçı xilas edilib.
Trend-in Fövqəladə hallar Nazirliyinin rəsmi saytına istinadən verdiyi məlumata görə, Bakı şəhəri, Qaradağ rayonu ərazisindən balıq tutmaq məqsədilə dənizə çıxmış 1 nəfər sahildən 500 m aralıda təhlükə ilə üzləşib.
Hadisə yerinə cəlb edilmiş Fövqəladə Hallar Nazirliyinin dalğıc-xilasediciləri vətəndaşı xilas edib və qayığı sahilə çıxarıblar.