Yol qəzasından fotolar əlavə olunub. (İlk xəbər 12:36-da yayılıb)
Azərbaycan, Bakı, 28 aprel /Trend, müxbir K.Zərbalıyeva/
Bakı-Quba magistral yolunun Biləcəri qəsəbəsinə gedən hissəsində sərnişin avtobus aşıb. Şahidlərin Trend-ə verdiyi məlumata görə, avtobusda sərnişinlər olub. Hazırda hüquq-mühafizə orqanlarının əməkdaşları hadisə yerindədirlər.
Dəmiryol Xəstəxanasından Trend-ə verilən məlumata görə, qəzada xəsarət alan 3 nəfər xəstəxananın cərrahiyyə şöbəsinə yerləşdirilib.
Bir yaralının isə başqa bir xəstəxanaya aparıldığı bildirilib.
Bakı Şəhər Dövlət Yol Polisi İdarəsinin növbətçi hissəsindən Trend-ə verilən məlumata görə, 93 saylı marşrutla hərəkət edən "Daewo" markalı sərnişin avtobusu aşıb. Qəza zamanı 4 nəfər xəsarət alıb və onlar Biləcəri qəsəbəsindəki Dəmiryol Xəstəxanasına aparılıblar.
