Azərbaycan, Bakı, 2 iyun /Trend, müxbir K.Zərbalıyeva/
Sumqayıtda ağır yol qəzası nəticəsində 3 nəfər ölüb, 1 nəfər xəsarət alıb.
Respublika Baş Dövlət Yol Polisi İdarəsindən Trend-ə verilən məlumata görə, iyunun 1-də Sumqayıt şəhərinin Sahil küçəsində 1983-cü il təvəllüdlü şəhər sakini Aslanov Elnur İsgəndər oğlu "VAZ-21015" markalı 50-CF-072 dövlət qeydiyyat nişanlı avtomobili idarə edərkən onu hasara vurub.
Qəza nəticəsində sürücü və avtomobilində olan sərnişinlər - Sumqayıt şəhər sakinləri, 1977-ci il təvəllüdlü Abışov Gündüz Ramiz oğlu, Babayev Valeh Ağakişi oğlu hadisə yerində ölüblər. 1976-cı il təvəllüdlü Nemətov Eldar Müslüm oğlu isə xəsarət alaraq xəstəxanaya çatdırılıb.