Azərbaycan, Bakı, 4 iyun /Trend/
Bazar günü Sumqayıtda bir nəfər dənizdə batıb. Bu barədə Trend Fövqəladə Hallar Nazirliyinin rəsmi saytına istinadən xəbər verir.
Nazirliyin "112" qaynar telefon xəttinə daxil olmuş məlumatda 1996-cı il təvəllüdlü Rəhimov İsa Şəmşid oğlunun Xəzər dənizinin Sumqayıt şəhəri, Hacı Zeynalabdin Tağıyev qəsəbəsi ərazisində, dənizin nəzarətsiz hissəsində çimərkən batdığı qeyd olunub.
Dərhal FHN-nin Dövlət Sularda Xilasetmə Xidmətinin dalğıc-xilasediciləri hadisə yerinə cəlb edilib. İ, Rəhimovun cəsədi ən yaxın məntəqədən 300 metr aralıda sudan tapılaraq çıxarılıb.