Azərbaycan, Bakı, 5 iyun / Trend müxbir K.Zərbalıyeva/
Bakı polisi mayın 30-da törədilən qətlin daha bir iştirakçısını saxlayıb.
Bakı Şəhər Baş Polis İdarəsindən Trend-ə verilən məlumata görə, Səbail Rayon Polis İdarəsinin Cinayət Axtarış Şöbəsi və 9-cu polis bölməsinin əməkdaşlarının keçirdiyi əməliyyat tədbirləri nəticəsində mayın 30-da Natiq Həsənovu qətlə yetirən digər iştirakçı Bakı şəhər sakini Bahadur Mustafayev iyunun 4-də yaxalanıb.
Qeyd edək ki, qətldə şübhəli bilinən əvvəllər məhkum edilmiş Oleq Borisovets, Bakı şəhər sakini Rəşadət Həsənov saxlanılıb.
Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.