Azərbaycan, Bakı, 6 iyun / Trend müxbir K.Zərbalıyeva/
Şəmkirdə avtomobil körpüdən aşıb və yanıb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Şəmkir rayonunda, Bakı-Qazax yolunun 372-ci kilometrliyində vətəndaşa məxsus "VAZ" markalı minik avtomobili körpüdən aşıb və yanıb.
Nəticədə, avtomobilin sürücüsü yaralanıb, sərnişini (şəxsiyyəti məlum deyil) hadisə yerində ölüb.
Yaralı və sərnişinin cəsədi aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.