Azərbaycan, Bakı, 7 iyun /Trend, müxbir K.Zərbalıyeva/
Bakıda Azərbaycan-Amerika Birgə Müəssisəsinə məxsus yük tankerində yanğın olub.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Bakı şəhəri, Xətai rayonunda "AZEKO" Azərbaycan-Amerika Birgə Müəssisəsinə məxsus 1912-ci ildə inşa olunmuş, hazırda kəsilməkdə olan "Volqa" yük tankerinin içərisində 200 kvadratmetr sahədə mazut qalıqları yanıb.
Tankerin qalan hissəsi yanğınsöndürənlər tərəfindən yanğından mühafizə olunub.