Azərbaycan, Bakı, 8 iyun / Trend müxbir K.Zərbalıyeva/
Bakıda yük tankerinin yanmasına qaynaq işləri zamanı yanğın təhlükəsizliyi qaydalarının pozulması səbəb olub. Trend-in məlumatına görə, bu barədə Fövqəladə Hallar Nazirliyinin rəsmi saytında məlumat verilir.
Xətai rayonunda "AZEKO" Azərbaycan-Amerika Birgə Müəssisəsinə məxsus 1912-ci ildə inşa olunmuş, hazırda kəsilməkdə olan "Volqa" yük tankerinin içərisində 200 kv.m sahədə mazut qalıqları yanıb.
Tankerin qalan hissəsi yanğınsöndürənlər tərəfindən yanğından mühafizə olunub.