Azərbaycan, Bakı, 10 iyun /Trend/
Bakıdan Moskvanın "Vnukovo" aeroportuna uçan və Həştərxanda qəza enişi edən "Boinq" təyyarəsinin sərnişinləri ehtiyyat təyyarə ilə Moskvaya göndəriliblər.
Trend-in məlumatına görə, bu barədə Rusiyanın "İnterfax-Yuq" agentliyinə Həştərxan hava limanının administrasiyasından bildirilib.
"Bakıdan "Vnukovo" aeroportuna uçan Boinq sərnişin təyyarəsi şənbə günü Moskva vaxtı ilə 18:00-da Həştərxanda qəza enişi edib. İlkin məlumatlara görə, hadisəyə təyyarınin yanacaq sistemində olan problemlər səbəb olub", - agentliyə bildirilib. Məlumata görə, təyyarədə 54 sərnişin olub, heç kim xəsarət almayıb.
"Ötən gücə bütün sərnişinlər ehtiyyat təyyarə ilə Moskvaya göndəriliblər", - aeroportdan bildiriblər.
P2 746 reysi Rusiyanın "Yut eyr" aviaşirkəti tərəfindən həyata keçirilir. Təyyarə Bakıdan şənbə günü 16:58-də yola düşüb.