Azərbaycan, Bakı, 13 iyun /Trend, müxbir E.Mehdiyev/
Azərbaycanda qətlə yetirilmiş iki şəxsin meyiti tapılıb.
Daxili İşlər Nazirliyinin mətbuat xidmətindən Trend-ə verilən məlumata görə, iyunun 12-də Quba rayon sakini Arif Eyyubovun baş nahiyəsində xəsarəti olan meyiti yaşadığı evdən tapılıb.
İlkin yoxlama prokurorluq, əməliyyat-axtarış tədbirləri Quba RPŞ tərəfindən aparılır.
Bundan əlavə, iyunun 12-də Lerik rayonunun Murya kəndində, kənd sakini Ahil İbrahimovun küt alətlə qətlə yetirilmiş meyiti evinin yaxınlığında tapılıb. İlkin yoxlama prokurorluq, əməliyyat-axtarış tədbirləri Lerik RPŞ tərəfindən aparılır.