Azərbaycan, Bakı, 15 iyun / Trend müxbir K.Zərbalıyeva/
Bakı-Qazax yolunda ağır yol qəzası olub, 2 nəfər ölüb, 3 nəfər xəsarət alıb.
Respublika Baş Dövlət Yol Polisi İdarəsindən Trend-ə verilən məlumata görə, iyunun 14-dən 15-ə keçən gecə Bakı-Qazax yolunun Hacıqabul rayonu ərazisindən keçə hissəsində "Volkswagen Passat" markalı avtomobil yoldan çıxaraq aşıb.
Hadisə zamanı sürücü və onun azyaşlı qızı həlak olub, sürücünün digər ailə üzvləri xəsarət alaraq xəstəxanaya yerləşdirliblər.
Hadisəyə avtomobilin yüksək sürətlə idarə edilməsi səbəb olub.
Faktla bağlı araşdırma aparılır.