Azərbaycan, Bakı, 20 iyun /Trend/
Bakının Nizami rayonunda çoxmərtəbəli yaşayış binasında çərşənbə günü yanğın baş verib.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Bakı şəhəri, Nizami rayonunda çoxmərtəbəli yaşayış binasında 9-cu mərtəbədən 17-ci mərtəbəyədək şaxta boyunca 30 p.m elektrik kabelləri və 84 ədəd elektrik sayğacı yanmışdır.
Yanğın zamanı 8 nəfər sakin, o cümlədən 2 uşaq yanğınsöndürənlər tərəfindən təxliyə edilmişdir. Mənzillər yanğından mühafizə olunmuşdur. Yanğın saat 12:21-də yanğınsöndürənlər tərəfindən söndürülmüşdür.