Azərbaycan, Bakı, 15 avqust /Trend, müxbir E.Mehdiyev/
İrandan Azərbaycana narkotik dərman preparatı keçirmək istəyən Azərbaycan vətəndaşı saxlanılıb.
Trend Dövlət Gömrük Komitəsinin rəsmi saytına istinadən xəbər verir ki, Billəsuvar gömrük-sərhəd buraxılış məntəqəsində İrandan Azərbaycana piyada gələn Azərbaycan vətəndaşı Vəzir Əhmədova məxsus çamadana baxış zamanı gömrük nəzarətinə bəyan olunmayan 2 ədəd qutuda üzərində "Methadone 40" sözləri yazılmış cəmi 190 ədəd həb, Azərbaycan Respublikasının ərazisində dövriyyəsi məhdudlaşdırılan narkotik vasitələrin siyahısına daxil olan metadon adlı dərman preparatı aşkar edilərək götürülüb.