Təfərrüatlar əlavə olunub (ilk versiya 23:02-də dərc edilib).
Azərbaycan, Bakı, 13 fevral / Trend müxbir E. Qəzvini/
Donetsk əyalətində Odessa-Donetsk reysi ilə ucuş həyata keçirən An-24 sərnişin təyyarəsi eniş zamanı qəzaya uğrayıb. Trend RİA Novosti agentliyinə istinadən məlumat verir ki, Ukrayna Dövlət Fövqaladə xidmətinin mətbuat katibi İnna Sedova bildirib ki, artıq ölənlərin sayı 5-ə çatıb.
Qeyd edək ki, eniş zamanı yerə çırpılan An-24 parcalandıqdan sonra alovlanıb. Məlum olub ki, laynerdə 45 sərnişin yer alıb. Xəbər Ukrayna Fövqaladə Hallar Dövlət xidməti tərəfindən də təstiqini tapib. Hazırda araşdırma davam etdirilir.