Azərbaycan, Bakı, 17 fevral /Trend/
Mərmərə dənizində yük gəmisi yanır. Trend "Anadolu" agentliyinə istinadən xəbər verir ki, uzunluğu 80 metr, həcmi 2000 ton olan yük gəmisi hələki bəlli olmayan səbəb üzündən alovlar içindədir.
Məlumatda bildirilir ki, əraziyə sürətli xilasedici gəmilər və katerlər göndərilib.
Mərmərə dənizində yanan gəmidə hər şey nəzarət altına alınsa da, verilən son məlumatlara görə, gəminin sağ tərəfində 3-4 dərəcə əyilmə müşahidə olunur.
Bolqarıstandan Yunanıstana buğda aparan və 14 nəfərlik heyətə malik olan gəmidə artıq təmir-bərpa işləri də aparılır.