Azərbaycan, Bakı, 2 aprel /Trend, müxbir İ.İzzət/
Quba rayonu ərazisində "Mercedes C-180" markalı avtomaşınla piyada vurulub.
Daxili İşlər Nazirliyinin mətbuat xidmətindən Trend-ə verilən məlumata görə, aprelin 1-də saat 17:00 radələrində Quba rayonunun Timiryazev qəsəbəsi ərazisində Zərdabi kənd sakini İlqar Şıxbabayev idarə etdiyi "Mercedes C-180" markalı avtomaşınla yolu keçən qəsəbə sakini Həbibulla Kərimovu vurub.
Nəticədə piyada aldığı xəsarətdən hadisə yerində ölüb.
Faktla bağlı Quba Rayon Polis Şöbəsində cinayət işi açılıb, araşdırma aparılır.