Azərbaycan, Bakı, 7 aprel /Trend/
Ağcabədi rayonu su kanalında batması ehtimal olunan bir nəfərin axtarışı davam edir. Trend-in məlumatına görə, bu haqda Fövqəladə Hallar Nazirliyinin rəsmi saytında xəbər verilib.
Məlumatda deyilir ki, Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Ağcabədi rayonu, Avşar kəndi ərazisində 1 nəfərin su kanalında batması ehtimal olunur.
Dərhal Fövqəladə Hallar Nazirliyinin müvafiq xilasetmə qüvvələri əraziyə cəlb olunub.
Hazırda dalğıc-xilasedicilər su kanalında axtarış işləri aparırlar.
Əlavə məlumat veriləcək.