Azərbaycan, Bakı, 12 aprel /Trend, müxbir A.Tağıyeva/
Suriyanın İdlib və Hums şəhərlərində Suriya ordusu və silahlı müxalifət arasında şiddətli döyüşlər gedir. Bu barədə Trend cümə günü "əl-Cəzirə" telekanalına istinadən məlumat verir.
Telekanalın məlumatına görə, bu gün ölkənin müxtəlif şəhərlərində baş bermiş hərbi toqquşmalar nəticəsində ən azı 180 nəfər ölüb. Onlardan 134-ü dinc sakin olub.