Azərbaycan, Bakı, 13 aprel /Trend, müxbir İ.İzzət/
Aprelin 13-nə keçən gecə Sumqayıtda mənzildə yanğın baş verib, xəsarət alanlar var.
Trend-in FHN-nin rəsmi saytına istinadən verdiyi məlumata görə, Sumqayıt şəhərində vətəndaşa məxsus ümumi sahəsi 95 kv.m olan 3 otaqlı mənzilin vanna otağının və dəhlizinin lambirdən ibarət tavanı 18 kv.m sahədə yanıb.
Mənzilin qalan hissəsi yanğından mühafizə olunub. Yanğın zamanı 2 nəfər ev sakini yanıq xəsarətləri alıb və xəstəxanaya aparılıb. Yanğın saat 04:50-də söndürülüb.