Azərbaycan, Bakı, 14 aprel /Trend/
Trend Regional TV-yə istinadən xəbər verir ki, Siyəzən rayonunda dəm qazından zəhərlənmə faktı qeydə alınıb. 1998-ci il təvəllüdlü rayonun Gilgilçay qəsəbə sakini Həsənova Aydan İnqilab qızı hamamda çimərkən dəm qazından zəhərlənib.
O, Siyəzən Regional Müalicə Diaqnoztika Mərkəzinin reanimasiya şöbəsinə yerləşdirilib.
Xəstəxanadan verilən məlumata görə, Aydan Həsənovanın vəziyyəti orta-stabildir.
Faktla bağlı araşdırma aparılır.