Azərbaycan, Bakı, 17 aprel /Trend/
Xaçmazda polis əməkdaşını maşın vurdu.
Trend Regional TV-yə istinadən xəbər verir ki, gecə saatlarında Xaçmaz şəhəri ərazisində piyadanın vurulması ilə nəticələnən yol-nəqliyyat hadisəsi baş verib. Xaçmaz-Niyazabad kənd yolunda 27 yaşlı Xaçmaz şəhər sakini Ramin Rəhimovu "VAZ 2107" markalı avtomobil vurub.
O, hadisə şahidlərinin köməkliyi ilə Xaçmaz MRX-nın travmatologiya şöbəsinə yerləşdirilib. Yaralının vəziyyətinin orta-stabil olduğu bildirilir.
Qeyd edək ki, Ramin Rəhimov Xaçmaz rayon Polis Şöbəsinin çavuşudur. Hadisə o, xidmət apararkən baş verib.
Faktla bağlı araşdırma aparılır.