Azərbaycan, Bakı, 17 aprel /Trend, müxbir İ.İzzət/
Salyan rayon sakini münaqişə zəminində həmkəndlisini qətlə yetirərək hadisə yerindən qaçıb.
Daxili İşlər Nazirliyinin mətbuat xidmətindən Trend-ə verilən məlumata görə, aprelin 17-də Salyan rayonunun Yeni Uluxanlı kəndində kənd sakini Rüstəm İmanov münaqişə zəminində həmkəndlisi Elmir Nəcəfovu bıçaqla qətlə yetirib hadisə yerindən qaçıb.
İlkin yoxlama Salyan rayon Prokurorluğu, əməliyyat-axtarış tədbirləri isə Salyan Rayon Polis Şöbəsi tərəfindən aparılır.