Azərbaycan, Bakı, 17 aprel /Trend/
ABŞ hakimiyyəti Boston terrorunda şübhəli bilinən şəxsin kimliyini müəyyənləşdirib. Trend-in İnterfaksa istinadən verdiyi məlumata görə, videomüşahidə kamerası vasitəsilə terror hadisəsinin baş verdiyi ərazidəki şübhəli şəxs aşkarlanıb.
Məlumatda deyilir ki, videoda göründüyü kimi, naməlum şəxs bombanın yerləşdirilə biləcəyi çantanı hadisə yerinə aparır.
Xatırladaq ki, Bostonda ardıcıl olaraq, baş vermiş iki partlayış nəticəsində 3 nəfər ölüb, 180 insan yaralanıb.