Azərbaycan, Bakı, 18 aprel /Trend/
ABŞ-ın Texas ştatında gübrə istehsalı zavodunda partlayış və yanğın nəticəsində həlak olanların sayı 5-15 nəfər təşkil edir, 160 nəfər isə müxtəlif xəsarətlərlə xəstəxanaya çatdırılıb. Trend RİA Novosti-yə istinadən məlumat verir ki, bu barədə polis serjantı Patrik Suonton jurnalistlərə açıqlamasında bildirib.
"Mən onu deyə bilərəm ki, 5-15 arası insan həlak olub. Ən azı 160 şəxsə xəstəxanada yardım göstərilir", - ABŞ telekanallarında yayımlanan mətbuat konfransında Suonton bildirib.
Onun sözlərinə görə, beş yanğınsöndürən itkin düşmüş hesab olunur. Tüstü insanların sağlamlığı üçün heç bir təhlükə törətmir.