Azərbaycan, Bakı, 18 aprel /Trend, müxbir İ.İzzət/
Səbail rayonun Bayıl qəsəbəsində bu gün baş verən qəzada yaralanmış sərnişinlərdən 8-i xəstəxanaya yerləşdirilib. Bu barədə Trend-ə Bakı Şəhər Təcili və Təxirəsalınmaz Tibbi Yardım Stansiyasından məlumat verilib.
Yaralılardan digər 2 nəfəri yüngül xəsarət aldığından, ilkin tibbi yardım göstərilərək evə buraxılıb.
Qeyd edək ki, bu gün Bayıl qəsəbəsində 88 və 147 saylı sərnişin avtobusları toqquşub.
Faktla bağlı araşdırma aparılır.