Azərbaycan, Bakı, 18 aprel /Trend, müxbir İ.İzzət/
İrandan gələn Azərbaycan vətəndaşından 228 qram tiryək aşkar edilib.
Dövlət Gömrük Komitəsinin mətbuat xidmətindən Trend-ə verilən məlumata görə, Astara Gömrük İdarəsinin sərnişin şöbəsində İran İslam Respublikasından Azərbaycan Respublikasına piyada yolla gələn Azərbaycan vətəndaşı Rüstəm Ramazanovun üzərində şəxsi yoxlama aparılıb.
Yoxlama zamanı ondan polietilenə bükülü 2 ədəd, həkim müayinəsi nəticəsində isə daxili orqanından (düz bağırsağından) polietilenə bükülü 1 ədəd bağlama olmaqla, cəmi 3 ədəd bağlamada xalis çəkisi 228 qram olan narkotik vasitə - tiryək aşkar edilib.
Faktla bağlı araşdırma aparılır.