Azərbaycan, Bakı, 26 aprel /Trend/
Gürcüstan ərazisində Qanıxçay (Alazan) çayına düşmüş şəxsin axtarışları başa çatıb. Bu barədə Trend FHN-in rəsmi saytına istinadən məlumat verir.
Cəsəd çayın Azərbaycan ərazisindən keçən hissəsində tapılaraq sudan çıxarılıb və Gürcüstan tərəfinə təhvil verilib.
Qeyd edək ki, axtarış-xilasetmə tədbirləri Fövqəladə Hallar Nazirliyinin Aviasiya dəstəsi və Dövlət Sularda Xilasetmə Xidməti tərəfindən birgə həyata keçirilib.