Azərbaycan, Bakı, 26 iyun /Trend, müxbir İ.İzzət/
İyunun 25-də Sumqayıt şəhəri Kimyaçılar qəsəbəsi S.Vurğun küçəsindəki evlərdən birində yaşayan Nübar Nobatəliyevanın evinə gəlmiş qohumu, qəsəbə sakini, əvvəllər məhkum olunmuş Habil Həsənov arasında münaqişə baş verib. Trend-in DİN-in mətbuat xidmətinə istinadən verdiyi məlumata görə, bu zaman H.Həsənov ov tüfəngindən atəş açaraq Nübarı qətlə yetirib və hadisə yerindən qaçıb.
Sumqayıt ŞPİ 2-ci PB əməkdaşlarının keçirdikləri əməliyyat-axtarış tədbirləri nəticəsində H.Həsənov tutulmuş və hadisəni törədərkən istifadə etdiyi ov tüfəngi və 24 ədəd patron ondan götürülmüşdür.