Azərbaycan, Bakı, 1 fevral /Trend/
Bakıda beton maneəyə çırpılan "Mercedes" yanıb.
Trend Fövqəladə Hallar Nazirliyinin rəsmi saytına istinadən məlumat verir ki, Bakı şəhəri, Suraxanı rayonunda vətəndaşa məxsus "Mercedes" markalı minik avtomobili idərəetməni itirərək yol kənardakı beton maneəyə çırpılıb. Nəticədə avtomobilin yanar hissələri yanıb.
Yaxınlıqdakı avtomobillər yanğından mühafizə olunub. Yanğın saat 10:15-də yanğınsöndürənlər tərəfindən söndürülüb.