Azərbaycan, Bakı, 8 fevral / Trend /
Bərdədə ev yanıb, bir nəfər xəsarət alıb.
Trend Fövqəladə Hallar Nazirliyinin rəsmi saytına istinadən məlumat verir ki, Bərdə rayonu, Qaradəmirçi kəndində vətəndaşa məxsus ümumi sahəsi 154 kvadrat metr olan ikimərtəbəli, 6 otaqlı evin 2-ci mərtəbəsinin yanar konstruksiyaları və ev əşyaları 77 kvadrat metr sahədə yanıb.
Yanğın zamanı 1 nəfər qadın əl və ayaq nahiyəsindən aldığı yüngül yanıq xəsarətləri ilə yanğınsöndürənlər hadisə yerinə çatana kimi vətəndaşlar tərəfindən xəstəxanaya aparılıb.
Evin qalan hissəsi yanğından mühafizə olunub.