Azərbaycan, Bakı, 17 fevral /Trend/
Bakı sakinlərindən civə və narkotik götürülüb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Yasamal RPİ NMB və CAŞ əməkdaşlarının keçirdiyi əməliyyat tədbirləri nəticəsində Bakı şəhər sakini Çingiz Həsənovdan 1 kiloqramdan artıq civə götürülüb.
Suraxanı RPİ 30-cu PB əməkdaşlarının keçirdiyi əməliyyat tədbirləri nəticəsində Bakı şəhər sakini Arslan İslamovdan 450 qram marixuana götürülüb.
Yasamal RPİ CAŞ və NMB əməkdaşlarının keçirdiyi əməliyyat tədbirləri nəticəsində Bakı şəhər sakini, əvvəllər məhkum olunmuş Vədat Abbaszadədən 475 qram marixuana götürülüb.
Yasamal RPİ 27-ci PB əməkdaşlarının keçirdiyi əməliyyat tədbirləri nəticəsində Bakı şəhər sakini, əvvəllər məhkum olunmuş Seymur Muradovdan 460 qram marixuana götürülüb.