Azərbaycan, Bakı, 2 aprel /Trend, müxbir İ.İzzət/
Bakının Binəqədi rayonunda qətl hadisəsi baş verib.
Daxili İşlər Nazirliyindən (DİN) Trend-ə verilən məlumata görə, Binəqədi rayonunda Biləcəri qəsəbəsi sakini 27 yaşlı Mobil Abdullayev kəsilmiş-deşilmiş xəsarətlə xəstəxanaya gətirilib. Lakin onun həyatını xilas etmək mümkün olmayıb. Hadisənin münaqişə zəminində Tovuz rayon sakini Elsevər Məmmədov tərəfindən törədildiyi müəyyən edilib.
Faktla bağlı Cinayət Məcəlləsinin 120.1-ci (Qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi açılıb, əməliyyat-axtarış tədbirlərinə başlanılıb.