Azərbaycan, Bakı, 12 aprel /Trend/
Gədəbəydə avtomobil qəzası nəticəsində bir nəfər ölüb.
Trend Fövqəladə Hallar Nazirliyinin rəsmi saytına istinadən xəbər verir ki, Gədəbəy rayonunda "VAZ" markalı minik avtomobili dərəyə yuvarlanıb. Nəticədə, sürücü avtomobildən kənara çıxaraq, aldığı müxtəlif bədən xəsarətləri nəticəsində həlak olub.
Yanğınsöndürənlər təhlükəsizlik qaydalarına riayət etməklə xüsusi alət və avadanlıqlar vasitəsilə cəsədi dərədən çıxarıb və aidiyyəti üzrə təhvil veriblər.