Azərbaycan, Bakı, 22 aprel /Trend, müxbir İ.İzzət/
Azərbaycanda külli miqdarda oğurluqda şübhəli bilinən şəxs tutulub.
Trend-in Daxili İşlər Nazirliyinin saytına istinadən verdiyi məlumata görə, oğurluq etdiyinə görə tutulmuş Şahin Kərimovun ətrafında Baş Cinayət-Axtarış İdarəsi və Quba RPŞ əməkdaşları tərəfindən aparılmış əməliyyat tədbirləri ilə onun ötən il avqust ayının 8-də Sumqayıt şəhər sakini İlqar Seyidovla birgə Sima Quliyevanın evindən 300.000 manat dəyərində qızıl əşyalar və 100.000 manatını oğurlamaları da müəyyən edilib.
Həyata keçirilmiş əməliyyat-axtarış tədbirləri nəticəsində İ.Seyidov tutulub.