Azərbaycan, Bakı, 12 oktyabr /Trend/
Şəmkirdə iki avtomobil toqquşub, nəticədə yanğın baş verib.
Trend Fövqəladə Hallar Nazirliyinin (FHN) rəsmi saytına istinadən məlumat verir ki, Şəmkir rayonunda (rayon mərkəzindən 14 km aralı) sahibləri məlum olmayan "TOYOTA" markalı minik avtomobili ilə "VAZ" markalı minik avtomobillərinin toqquşması nəticəsində yanğınla nəticələnən yol-qəza hadisəsi baş verib.
Yanğın nəticəsində "TOYOTA" markalı minik avtomobilinin yanar hissələri yanıb. Digər avtomobil yanğından mühafizə olunub. Yanğın yanğınsöndürənlər tərəfindən söndürülüb.