Azərbaycan, Bakı, 24 oktyabr /Trend/
Gəncə şəhərində 3 saylı peşə liseyinin yataqxanasında yanğın baş verib.
Trend-in Kəpəz TV-yə istinadən verdiyi məlumata görə, Nizami prospekti ilə Xətai prospektinin kəsişməsində yerləşən 5 mərtəbəli yataqxananın dam örtüyündə başlayan şiddətli yanğını FHN-in yanğınsöndürən briqadası söndürməyə çalışır.
Hələ ki, alovu ram etmək mümkün olmayıb.
Qeyd edək ki, həmin binada məcburi köçkünlər məskunlaşıb.
Sakinlər hadisə yerindən təxliyə olunub.