Azərbaycan, Bakı, 31 oktyabr /Trend/
Bakıda ticarət mərkəzində elektroşokerdən istifadə etməklə oğurluq edən şəxs saxlanılıb.
Bakı şəhər Baş Polis İdarəsindən Trend-ə bildiriblər ki, oktyabrın 30-da saat 16:10 radələrində Qaradağ rayonunda yerləşən ticarət mərkəzində naməlum şəxs Abşeron rayon sakini İlqar Hüseynovun üzündən elektroşokernən vuraraq içərisində 5000 manat olan selofan paketi əlindən alıb qaçıb.
Qaradağ RPİ 10-cu Polis Bölməsi, Çevik Polis Alayı əməkdaşlarının həyata keçirdikləri əməliyyat-axtarış tədbirləri nəticəsində, quldurluqda şübhəli bilinən Şərur rayon sakini Mübariz Zaxarov tutulub.