Azərbaycan, Bakı, 13 may /Trend/
Yasamal rayonunda intihar ermək istəyən şəxs xilas edilib.
Trend Fövqəladə Hallar Nazirliyinə (FHN) istinadən xəbər verir ki, Nazirliyin "112" qaynar telefon xəttinə daxil olan məlumata əsasən, Bakı şəhəri, Yasamal rayonunda 1 nəfər intihar etmək niyyətini nümayiş etdirib.
FHN-nin xilasetmə qüvvələri dərhal hadisə yerinə cəlb olunub. Xilasedicilər tərəfindən aparılan psixoloji söhbət nəticəsində vətəndaş fikrindən daşındırılaraq intihara cəhdin qarşısı alınıb.
Əməliyyat saat 21:02-də başa çatıb.