Azərbaycan, Bakı, 7 sentyabr /Trend, müxbir İlkin İzzət/
Nəsimi rayonunda 3 mərtəbəli yaşayış binasında yanğın olub.
Trend Fövqəladə Hallar Nazirliyinin saytına istinadən xəbər verir ki, Bakı şəhəri, Nəsimi rayonunda 3 mərtəbəli yaşayış binasının 3-cü mərtəbəsində yaşayan vətəndaşa məxsus ümumi sahəsi 100 kv.m olan 4 otaqlı mənzilin divarının və dam örtüyünün taxta konstruksiyaları 8 kv.m sahədə yanıb.
Mənzilin qalan hissəsi yanğından mühafizə olunub.
Yanğın saat 21:46-də yanğınsöndürənlər tərəfindən söndürülüb.