Azərbaycan, Bakı, 7 sentyabr /Trend, müxbir İlkin İzzət/
Bakıda 15 yaşlı yeniyetməyə qarşı soyğunçuluq etmiş keçmiş məhkum tutulub.
Bakı şəhər Baş Polis İdarəsindən (BŞBPİ) Trend-ə verilən məlumata görə, sentyabrın 2-də saat 15 radələrində Əmircan qəsəbəsində 2000-ci il təvəllüdlü Sultan Sultanlının mobil telefonu soyğunçuluq yolu ilə talanıb.
Suraxanı RPİ CAŞ və 31-ci PB əməkdaşlarının birgə keçirdikləri əməliyyat-axtarış tədbirləri nəticəsində, hadisəni törətməkdə şübhəli bilinən Bakı şəhər sakini, əvvəllər məhkum olunan, 1997-ci il təvəllüdlü Emil İslan oğlu İsmayılov tutulub.