Bakı. Trend:
Xırdalanda intihara cəhd edilib.
Trend-in Fövqəladə Hallar Nazirliyinin (FHN) saytına istinadən verdiyi məlumata görə, nazirliyin Böhran Vəziyyətlərində İdarəetmə Mərkəzinə Abşeron rayonu, Xırdalan şəhərində bir nəfərin tikilməkdə olan binanın 5-ci mərtəbəsinin eyvana intihar etmək məqsədilə çıxması barədə məlumat daxil olub.
Dərhal hadisə yerinə FHN-in Xüsusi Riskli Xilasetmə Xidmətinin qüvvələri cəlb olunaraq aparılmış psixoloji söhbət nəticəsində vətəndaş aşağı endirilərək aidiyyəti üzrə təhvil verilib.